Yakeen...

Yakeen...

Khwab bhi mere, pankh bhi honge mere,
mujhe nabh k us paar jaane ka hai yakeen...

Sanse tabh bhi rukenge meri,
Nabz tabh bhi thamenge mere,
Par us uchayiyo ko pane ka hai mujhe yakeen...

Phir wo Garmi ka mausam aya.. apne sath kayi jalan me dube jogo ka abhishaap laya..

Suraj ki lalima, Kade dhup me badalenge,
Meri komal twacha dhup se chhilenge,
Kabhi jo bhige the pakh mere,
Wo bhi dhire dhire utarenge,
Tumhe kya lagata hai,
Main Udana chhor dunga,
Tumhe kya lagata hai,
Main zameen pe Rengana shuru kar dunga,
Mat Pallo Bhram itana khud ki nich soch main,
Thaharunga peepal ki chhaw me,
Kisi gopi ke gawn me,
Par main kabhi thamunga nahi,
Tumhare Aaang se darunga nahi,
Chalunga Jab tak kurbat pe hai mujhe yakeen...
Us uchayiyo ko pane ka jab tak hai mujhe yakeen...

Phir wo Barish ka mausam aya.. apne sath kayi Gam me rote, Magarmachh ki anshu liye logo ki zamaat laya...

Badal tab bhi ghane honge,
Kaale kaale, bade zateel honge,
Barish tabh bhi ghanghor hongi,
Mujhe malum hai,
Pankh bhi mere geele honge,
Par tumhe kya lagata hai,
Ruk jaunga, Tham jaunga,
Tumhe apne par ghamand itana,
Han rukunga, par badhunga,
Chalunga Jab tak kurbat pe hai mujhe yakeen...
Us uchayiyo ko pane ka jab tak hai mujhe yakeen...

Phir wo Thandi ka mausam aya.. apne sath kayi apne logo ki ruswayiyaan, bewafaiyo ko sath laya...

Kohara tab bhi ghane honge,
Mere saans tab kahi thand me thithurenge,
kahi dur se jo dikhe dhimi si roshani raho pe,
Asha ki chirag ban ke,
Mere wo apne mujhse ruthenge,
Mere kai sapne us pani se barf, barf ke tile se tootenge,
Tumhe kya lagata hai,
Main bhi tutunga,
Thand me sikud ke kahi kisi kone me chhipunga,
Mere ye kamzor kadam fir bhi rukenge nhi,
Chalunga Jab tak kurbat pe hai mujhe yakeen...
Us uchayiyo ko pane ka jab tak hai mujhe yakeen...

Phir wo Basant ka mausam aya.. apne sath kayi khushiya, pyar ka ehsaas laya...

Meri Yaka yaha khatm hoti hai,
Jaha meri arazoo majbur ho, mujhse milati hai...
Chalunga Tab tak, Jab tak kurbat pe hai mujhe yakeen...
Meri arzoo ko pane ka jab tak hai mujhe yakeen...

-Nalayak Shrma